Accés al contingut Accés al menú de la secció
 

Guida de visita

Eth Parc Nacionau d’Aigüestòrtes e Estanh de Sant Maurici se tròbe plaçat en un des paratges mès priviliegiadi des Pirenèus. Era sua superfícia de mès de 40 000 ha qu'ei repartida entre quate comarques qu'an un ric auviatge naturau e culturau: era Nauta Ribagòrça, eth Palhars Sobeiran, eth Palhars Jusan e era Val d'Aran. Eth parc qu'ei includit en Hilat de parcs Nacionaus Espanhòus e qu'ei er unic dera sua categoria en Catalonha.

Es sues vals, entornejades de pics de mès de 3000 m de nautada, que tresauregen ua magnifica representacion de toti es elements que caracterizen era nauta montanha pirenenca, tant enes sues formacions geologiques coma ena sua flòra e fauna. Era aigua qu'ei dilhèu er element mès caracteristic deth parc, sigue en forma de nhèu, arrius, sauts o en tot hèr partida des mès de 200 estanhs que son repartidi pera sua geografia e que dan ad aqueth espaci naturau d'emparament especiau un caractèr unenc.